تۆم باراك، نێردهی تایبهتی ئهمریكا بۆ كاروباری سوریا رایگهیاند كه ئامانجی بنهڕهتی له پێكهێنانی هێزهكانی سوریای دیموكرات كۆتاییهات و هیچ پاساوێك نهماوه بۆ هاوبهشی ئهمریكا لهگهڵ ههسهده. دهشڵێت: “ئێستا دیمهشق ئامادهیه و توانای ئهوهی ههیه بهرپرسیارێتییه ئهمنییهكان له ئهستۆ بگرێت”.
تۆم باراك، نێردهی تایبهتی ئهمریكا بۆ كاروباری سوریا، له پلاتفۆرمی “ئێكس” نوسیویهتی:*گهورهترین دهرفهت بۆ كورد له سوریا له ئێستادا له قۆناغی گواستنهوهی دوای ئهسهددایه له ژێر دهسهڵاتی حكومهتی نوێ به سهرۆكایهتی ئهحمهد ئهلشهرع.
*ئهم ساتهوهخته ڕێگایهكه بۆ یهكگرتنی تهواو لهگهڵ دهوڵهتێكی یهكگرتووی سوریا كه مافی هاووڵاتیبوون و پاراستنی كولتووری و بهشداری سیاسی ههیه- كه له مێژه له سهردهمی ڕژێمی بهشار ئهسهددا ڕهتكرایهوه و زۆرێك له كوردهكان ڕووبهڕووی بێدهوڵهتی و سنوورداركردنی زمان و ههڵاواردنی بهرنامهبۆداڕێژراو بوونهتهوه.
*له ڕووی مێژووییهوه، بوونی سهربازی ئهمریكا له باكووری رۆژههڵاتی سوریا به پلهی یهكهم وهك هاوبهشییهكی دژه داعش ڕهوا بوو.
*هێزهكانی سوریای دیموكرات به سهرۆكایهتی كورد، كاریگهرترین هاوبهشی زهمینییان سهلماند له شكستپێهێنانی خهلافهتی داعش تا ساڵی 2019، ههزاران چهكداری داعش و ئهندامانی خێزانهكهی له زیندان و كهمپهكانی وهك ئهلهۆل و شهدادی دهستگیركرد.
*لهو كاتهدا، دهوڵهتی ناوهندی سوریا كارا نهبوو تا ئهمریكا هاوبهشی لهگهڵدا بكات- ڕژێمی ئهسهد لاواز بوو.
*ئهمڕۆ دۆخهكه گۆڕاوه. ئێستا سوریا حكومهتێكی ناوهندی دانپێدانراوی ههیه كه پهیوهندی به هاوپهیمانی جیهانی بۆ شكستپێهێنانی داعشهوه كردووه (وهك 90ههمین ئهندامی له كۆتاییهكانی 2025)، ئهمهش ئاماژهیه بۆ وهرچهرخانێك بهرهو ڕۆژئاوا و هاوكاری لهگهڵ ئهمریكا لهسهر بهرهنگاربوونهوهی تیرۆر.
*ئهمهش پاساوهكانی هاوبهشی نێوان ئهمهریكا و ههسهده دهگۆڕێت.
*ئامانجی بنهڕهتی له هێزهكانی سوریای دیموكرات وهك هێزی سهرهكی شهڕی داعش لهسهر زهوی كۆتایی هاتووه، چونكه ئێستا دیمهشق ئامادهیه و توانای ئهوهی ههیه بهرپرسیارێتییه ئهمنییهكان له ئهستۆ بگرێت.
پێشهاتهكانی ئهم دواییه نیشان دهدهن كه ئهمریكا چالاكانه ئاسانكاری بۆ ئهم گواستنهوهیه دهكات، نهك درێژكردنهوهی ڕۆڵی جیاوازی ههسهده.