بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد لەگەڵ عەممار حەکیم، سەرۆکی رەوتی حیکمە كۆبووەوە.
لە کۆبوونەوەکەدا رەفعەت عەبدوڵا، جێگری سەرۆکی یەکێتی، دەرباز کۆسرەت رەسوڵ، ئەندامی مەکتەبی سیاسی و خالید شوانی، وەزیری دادی عیراق ئامادەیبوون، هەنگاوەکانی پێکهێنانی حکومەتی نوێی عیراق و تەواوکردنی رێکارە یاسایی و دەستوورییەکان لەکاتی خۆیدا جەختی لەسەر کرایەوە.
بافڵ جەلال تاڵەبانی گرنگی پێویستی بەردەوامی دیالۆگی نیشتمانی لە نێوان لایەنەکان دووپاتکردەوە و رایگەیاند، یەکێتی بە ستراتیژی سەرۆک مام جەلالەوە کاردەکات بۆ بەهێزترکردنی گیانی پێکەوەیی و زیاتر خزمەتکردنی خەڵکە خۆشەویستەکەمان.