ئێران نامەیەكی بەپەلەی ئاڕاستەی ئەنجومەنی ئاسایش كردووە و سێ رۆژ ماتەمینیشی راگەیاند.
ئاژانسی تەسنیم بلاویكردەوە، “ئێران نامەیەكی بەپەلەی ناردووە بۆ ئەنجومەنی ئاسایش دەربارەی دەستوەردانی ئەمریكا لە كاروباری ناوخۆی تاران و هاندانی خەڵكی لەسەر توندوتیژی و شەڵەژاندنی سەقامگیری ئێران”.
ئاماژەشیكرد، “باڵیۆز و نێردەی هەمیشەیی كۆماری ئێران لە نەتەوەیەكگرتووەكان نامەیەكی بەپەلەی ناردووە بۆ ئەنجومەنی ئاسایش و نەتەوەیەكگرتووەكان”.
لە نامەكەدا هاتووە، “هیچ بنەمایەكی یاساكانی نێودەوڵەتی رێگا بەهیچ دەوڵەتێك نادەن بەبیانووی مافی مرۆڤ و پاڵپشتی گەلان هانی خەڵكی بدەن لەسەر توندوتیژی و شەڵەژانی سەقامگیری كۆمەڵگاكان و ئەمە پێچەوانەی یاسا نێودەوڵەتییەكانە”.
هاوكات ئێران بۆ ماوەی سێ رۆژ ماتەمینی راگەیاند، وەك رێزێك بۆ گیانی ئەو كەسانەی بوونەتە قوربانی كارەكانی توندوتیژی.